Albania News Agency

Sipas The Guardian, ndër 25 personat që humbën jetën në zjarrin që shpërtheu rreth mesnatës në restorantin, baret e koktejlve dhe klubin e njohur Birch by Romeo Lane në rajonin Arpora në Goa të veriut, kishte edhe turistë.

Sipas hetimit paraprak të policisë, zjarri filloi në katin e parë dhe më pas përfshiu pjesën tjetër të ndërtesës; shumica e viktimave mbetën të bllokuara në bodrumin e klubit dhe u mbytën.

Zjarrfikësit punuan gjatë gjithë natës për të shuar zjarrin dhe për të shpëtuar personat e bllokuar. Autoritetet thanë se shumica e viktimave ishin punonjës të klubit që ndodheshin në bodrum. Në vendngjarje u raportua se “tre deri në katër” turistë kanë humbur jetën, megjithatë procesi i identifikimit vazhdon.

Gjithashtu u raportua se shumica e të ftuarve ishin mbledhur në katin e parë për një DJ set dhe se zjarri filloi rreth orës 23:45.

Kryeministri i Indisë, Narendra Modi, e cilësoi zjarrin si “thellësisht tronditës”.