Albania News Agency

Ghebreyesus tha se OBSH, UNICEF dhe UNRWA po zhvillojnë një fushatë të integruar kompensuese për t’u siguruar vaksinim rutinë, mbështetje ushqyese dhe ndjekje të rritjes 44 mijë fëmijëve në Gaza që kanë mbetur pa shërbime themelore dhe jetësore për shkak të dy viteve të konfliktit.

Ai theksoi se fushata filloi dje dhe do të zgjasë deri më 18 nëntor. “Dhënia e ndihmës shëndetësore urgjente për një numër kaq të madh fëmijësh varet nga respektimi i plotë i armëpushimit. Kjo do t’u mundësojë familjeve, punonjësve shëndetësorë dhe ndihmësve humanitarë të arrijnë në qendrat e vaksinimit në mënyrë të lirë dhe të sigurt,” tha Ghebreyesus.

Ai shtoi se ky zhvillim inkurajues duhet të shfrytëzohet për të ndërmarrë hapa në mbrojtje dhe përmirësim të shëndetit të gjithë njerëzve në Gaza.