Albania News Agency

Plani i ri kërkon që të gjithë meshkujt 18-vjeçar të plotësojnë një pyetësor për të vlerësuar aftësinë e tyre për shërbim ushtarak dhe nga viti 2027 të nënshtrohen kontrolleve shëndetësore.

Vendimi vjen në kuadër të synimit të Berlinit për të krijuar ushtrinë më të fuqishme konvencionale në Evropë.

Pritet që deputetët të votojnë mbi planin deri në fund të vitit 2025.

Në fillim të këtij viti, gjatë formimit të koalicionit, blloku konservator CDU/CSU i Merz-it dhe Partia Socialdemokrate SPD ranë dakord të rivendosin shërbimin ushtarak “fillimisht” në baza vullnetare.

Forcat e armatosura të Gjermanisë, Bundeswehr, aktualisht numërojnë rreth 182 mijë ushtarë. Modeli i ri synon të rrisë këtë numër me 20 mijë vitin e ardhshëm dhe përgjatë 10 viteve të ardhshme ta çojë në 250–260 mijë me pjesëmarrjen e rreth 200 mijë rezervistëve.