Albania News Agency

Ministri i Mbrojtjes së Izraelit, Israel Katz, zhvilloi një takim me Sekretarin Amerikan të Mbrojtjes, Pete Hegseth, në Pentagon.

Katz deklaroi se janë diskutuar një gamë e gjerë çështjesh rajonale dhe strategjike, si dhe hapa konkretë për zhvillimin e Izraelit dhe për ta bërë Lindjen e Mesme një vend më të mirë dhe më të sigurt për interesat izraelite dhe amerikane. “Shpreha mirënjohjen e thellë për operacionin historik ‘Çekiçi i Mesnatës’ që i dha një goditje shkatërruese programit bërthamor të Iranit. Lidhja midis Izraelit dhe Shteteve të Bashkuara nuk është vetëm një aleancë, por një mision i përbashkët,” tha ai.