Albania News Agency

Presidenti francez Macron tha se e mirëpret zhvillimin e takimit të zgjeruar mbi çështjen e Qipros, të mbajtur në New York nën kujdesin e Sekretarit të Përgjithshëm të OKB-së Guterres.

Ai theksoi se pas takimit në Gjenevë në mars dhe nismave të reja të bashkëpunimit të shpallura nga Guterres, ky takim i ri është një tregues i një dinamike pozitive për rivendosjen e besimit.

“Inkurajoj rifillimin e negociatave për një zgjidhje të drejtë dhe të qëndrueshme të çështjes së Qipros, bazuar në një federatë dy zonale dhe dy komunitetesh, në përputhje me parametrat e përcaktuar nga Këshilli i Sigurimit dhe acquis communautaire. Franca mbështet përpjekjet ndërmjetësuese të Sekretarit të Përgjithshëm dhe përfaqësuesit të tij të posaçëm dhe është e gatshme të ndihmojë në këtë proces,” tha ai.