Albania News Agency

Sipas autoriteteve, dhjetëra sulmues të maskuar, të pajisur me shufra metalike, fishekzjarre dhe koktej molotov, u përleshën me policinë në një autostradë në Limoges në orët e para të mëngjesit të së shtunës.

Sipas të njëjtave burime, nëntë policë u plagosën në ngjarjen e dhunshme gjatë natës, e cila besohet të jetë e lidhur me një konflikt mes bandash.

Sulmuesit tentuan të bllokojnë autostradën RN141, duke penguar trafikun dhe sulmuan policinë me armë të ndryshme, nga gurë te shufra metalike dhe kokteje molotov. Policia reagoi me gaz lotsjellës dhe masa për kontrollin e turmës.

Kreu i sindikatës lokale të policisë, Laurent Nadeau, deklaroi: “Ishin 100 deri në 150 persona të maskuar, të armatosur dhe të përgatitur”.

Kryetari i Bashkisë së Limoges, Émile Roger Lombertie, e përshkroi grupin si një njësi “guerile urbane”. “Kjo nuk ishte protestë apo demonstratë. Nuk kishte mesazh apo qëllim – ishte vetëm shkatërrim dhe demonstrim force”, tha ai.