Albania News Agency

Ministri i Jashtëm i Ukrainës Andrii Sybiha njoftoi se pas sulmit raketor të Rusisë ndaj Kievit u dha udhëzim të gjitha misioneve të Ukrainës pranë organizatave ndërkombëtare që të shtojnë nismat diplomatike.

Sybiha tha se Kombet e Bashkuara, OSBE-ja, Këshilli i Evropës dhe Organizata e Kombeve të Bashkuara për Arsim, Shkencë dhe Kulturë (UNESCO) duhet t’i japin një përgjigje të fortë sulmit, duke akuzuar Rusinë për kryerjen e sulmeve terroriste kundër civilëve. Në deklaratë u tha se Ukraina ka kërkuar mbledhjen urgjente të Këshillit të Sigurimit të Kombeve të Bashkuara dhe një takim të përbashkët në kuadër të OSBE-së.

Sybiha, duke pretenduar se Presidenti rus Vladimir Putin po përpiqet të frikësojë Ukrainën dhe komunitetin ndërkombëtar duke shënjestruar civilët, i bëri thirrje komunitetit ndërkombëtar të ndërmarrë hapa të koordinuar që do ta detyrojnë Rusinë drejt një paqeje gjithëpërfshirëse, të drejtë dhe të qëndrueshme.