Albania News Agency

Zëvendëskryeministri Tajani bëri të ditur se një ngarkesë e re ndihmash humanitare për Gazën është dërguar drejt Jordanisë. Dërgesa përfshinte 85 ton ushqime bazë dhe materiale të nevojshme, të mbledhura nga autoritetet italiane në bashkëpunim me Coldiretti, Conad, Confagricoltura dhe Confcooperativ.

Aeroplani i posaçëm i ndihmave u nis nga baza e OKB-së në Brindisi dhe u koordinua me Programin Botëror të Ushqimit (WFP). Tajani theksoi se Italia ka dërguar deri tani rreth 2 400 ton ndihma emergjente në kuadër të nismës “Food For Gaza”. Ai shtoi se situata në Gaza mbetet e pasigurt dhe u ka kërkuar ambasadorëve italianë të përgatisin plane veprimi për reagim të shpejtë ndaj nevojave.