Albania News Agency

Trump gjatë një darke me senatorë republikanë tha: "Më shumicën e pengjeve kemi marrë mbrapsht. Shumë shpejt do të vijnë edhe 10 pengje të tjerë dhe shpresojmë që kjo të përfundojë shpejt." Ai gjithashtu e lavdëroi përfaqësuesin për Lindjen e Mesme, Steve Witkoff, duke e quajtur atë "shumë të mirë".

Propozimi aktual për armëpushim midis Izraelit dhe Hamasit përfshin kthimin e 10 pengjeve dhe 18 trupave. Në këmbim, Izraeli do të duhet të lirojë një numër të pacaktuar palestinezësh të burgosur në burgjet izraelite.

Mëngjesin e së premtes, Axios raportoi se drejtori i shërbimit të inteligjencës izraelite Mossad vizitoi Uashingtonin këtë javë në shpresë për të mbështetur përpjekjet e SHBA-së për pranimin e qindra mijëra palestinezëve që jetojnë në Gaza në vende të tjera. Drejtori i Mossad, David Barnea, i tha Witkoff se Izraeli po diskuton vendosjen e palestinezëve në Etiopi, Indonezi dhe Libi.