Albania News Agency

Presidenti i Ukrainës, Volodimir Zelenski, ndau informacionet e fundit për sulmet ruse me raketa dhe mjete ajrore pa pilot që po vazhdojnë prej mbrëmë në gjithë Ukrainën. Sipas Zelenskit, në këto sulme kanë humbur jetën të paktën 4 persona, ndërsa dhjetëra të tjerë janë plagosur, mes tyre fëmijë dhe një grua shtatzënë.

Zelenski theksoi se ekipet e shërbimeve të urgjencës së Ukrainës po vazhdojnë punën në zonat e goditura nga sulmet dhe bëri të ditur se në total janë përdorur rreth 430 dronë dhe 18 raketa, përfshirë raketa balistike dhe aero–balistike.

Ai shtoi se ministri i Brendshëm, Ihor Klymenko, ka paraqitur një raport mbi operacionet e kërkim–shpëtimit në rajone dhe u shprehu falënderimet e tij të gjitha ekipeve që po ofrojnë ndihmë.