Albania News Agency

Zelenski njoftoi se zhvilloi një bisedë të gjatë dhe të detajuar me Witkoff dhe Kushner, në të cilën morën pjesë edhe Andrii Hnatov dhe ministri i mbrojtjes, Rustem Umerov.

Ai tha se biseda ishte “e fokusuar dhe konstruktive”, duke përfshirë temat e ndalimit të gjakderdhjes, eliminimin e rrezikut të një pushtimi të ri rus dhe garancitë e sigurisë në rast se Moska nuk i përmbush premtimet.

Zelenski theksoi se Ukraina është e vendosur të punojë me mirëbesim me SHBA-të për arritjen e paqes së vërtetë dhe se palët kanë rënë dakord për hapat e ardhshëm dhe formatet e negociatave. Ai falënderoi gjithashtu Presidentin amerikan Donald Trump për qasjen e tij aktive në proces.

Kreu i shtetit tha se pret një raport të plotë personalisht nga ministri Umerov dhe gjenerali Hnatov: “Jo çdo gjë mund të diskutohet në telefon. Çdo hap drejt paqes, sigurisë dhe rindërtimit duhet të jetë i realizueshëm.”