Albania News Agency

Zelensky tha se gjatë sulmeve janë përdorur rreth 36 raketa dhe afro 600 dronë, ndërsa objektivat kanë qenë infrastruktura energjetike dhe objektet civile.

Ai shtoi se ndërtesat e banimit kanë pësuar dëmtime të mëdha, kanë shpërthyer zjarre dhe deri tani janë raportuar tre viktima dhe dhjetëra të plagosur. Zelensky shprehu ngushëllimet për familjet e viktimave.

Presidenti ukrainas theksoi nevojën urgjente për furnizim të mjaftueshëm me municion për mbrojtjen ajrore dhe u bëri thirrje vendeve evropiane për vendime të shpejta lidhur me asetet e ngrira, nëse Rusia nuk i ndalon sulmet. Ai shtoi se për përfundimin e luftës duhet të diskutohen hapat e nevojshëm me të gjithë partnerët ndërkombëtarë.