Albania News Agency

Zelensky deklaroi se Ukraina do të presë sinjalet e delegacionit amerikan pas kontakteve të tyre në Rusi, duke theksuar se delegacioni planifikon të informojë drejtpërdrejt palën ukrainase menjëherë pas këtyre takimeve.

Ai theksoi se hapat e ardhshëm do të varen nga këto sinjale dhe tha:

“Patjetër do të marrim një lloj sinjali. Nëse këto sinjale marrin një formë të caktuar dhe tregojnë se po zhvillohet një ‘proces i drejtë’ me partnerët tanë, atëherë mund të takohemi shumë shpejt me delegacionin amerikan. Niveli i takimit do të përcaktohet sipas sinjaleve të marrë. Nëse këto sinjale krijojnë mundësi për vendime globale dhe të shpejta, atëherë takimi do të zhvillohet në një nivel më të lartë.”

Zelensky shtoi: “Jam i gatshëm të marr të gjitha sinjalet dhe jam i gatshëm për një takim me Presidentin Trump. Gjithçka varet nga rezultatet e kontakteve të sotme.”