Albania News Agency

Të shtunën, mijëra protestues marshuan në kryeqytetin meksikan për të protestuar kundër krimeve të dhunshme dhe qeverisë së Presidentes Claudia Sheinbaum.

Sheinbaum deklaroi se marshimet, të organizuara edhe në qytete të tjera, financohen nga politikanë të djathtë që kundërshtojnë qeverinë e saj.

Mitngu, i organizuar nga grupet e rinisë së brezit Z, u mbështet nga qytetarë që protestonin kundër disa vrasjeve të profilit të lartë, përfshirë vrasjen e kryetarit të Uruapanit, Carlos Manzo, i cili disa javë më parë kishte bërë thirrje për masa më të ashpra kundër karteleve.

Protestuesit hoqën pjesë të barrierës që mbronte Pallatin Kombëtar, ku banon Sheinbaum. Policia që ruante kompleksin përdori gaz lotsjellës kundër turmës.

Drejtori i policisë së Mexico City, Pablo Vazquez, tha se policia arrestoi 20 persona për krime të ndryshme, përfshirë grabitje dhe sulm.

Presidentja meksikane Sheinbaum gëzon mbi 70% mbështetje në vitin e saj të parë në detyrë dhe ka arritur përparim të rëndësishëm në ndalimin e kontrabandës së fentanilit — një çështje kyçe për homologun e saj amerikan Donald Trump.

Megjithatë, ajo kritikohet për mosndalimin e dhunës së përhapur në vend dhe përballen me armiqësi në rritje nga vendet fqinje.