Albania News Agency

Komisari Evropian për Bujqësinë, Christophe Hansen, e përshëndeti këtë vendim duke theksuar se për shkak të burokracisë së tepruar, fermerët aktualisht përballen me një shpenzim mesatar prej shtatë ditësh pune dhe midis 1230 deri në 2740 euro në vit. Hansen tha: “Fermerët po humbasin shumë kohë me punë të tepërta administrative, që i kushton jo vetëm kohë, por edhe para.”

Masat e reja pritet të sjellin kursime të mëdha. Hansen parashikoi se këto masa do të kursejnë fermerëve rreth 1.6 miliardë euro në kostot administrative çdo vit, dhe autoritetet kombëtare do të kursejnë rreth 210 milionë euro.

Një nga elementet kryesore të marrëveshjes është fokusimi në kushtet e marrjes së ndihmave direkte. Hansen shpjegoi se marrëveshja e përkohshme ruan thelbin e propozimeve të Komisionit të paraqitura në maj dhe “sjell rregulla më të thjeshta për fermerët organikë dhe siguron mbështetje më të mirë për fermat e vogla që kanë më shumë nevojë për ndihmë krahasuar me ato të mëdha”.

Reformat janë gjithashtu të dizajnuara për të ofruar më shumë fleksibilitet për fermerët dhe për të ndihmuar fermat e vogla dhe të mesme që të përdorin më mirë mbështetjen e BE-së. Sipas kësaj marrëveshjeje, fermerët e vegjël do të kalojnë në pagesa të vetme deri në 50,000 euro dhe do të eliminohet kërkesa për të raportuar “çdo detaj të vogël”.

Marrëveshja është miratuar zyrtarisht nga Parlamenti Evropian dhe Këshilli i Ministrave, dhe Hansen është i sigurt se ajo do të hyjë në fuqi më 1 janar 2026 dhe fermerët do të mund të përfitojnë nga lehtësirat që nga viti i ardhshëm kalendarik.