Albania News Agency

Erdogani theksoi se Turqia, e cila kontribuoi në këto bisedime, e mirëpret me kënaqësi arritjen e armëpushimit.

Ai shprehu falënderime të veçanta për Presidentin e SHBA-ve, Donald Trump, për vullnetin politik të treguar për të inkurajuar qeverinë izraelite drejt armëpushimit, si dhe për Katarin dhe Egjiptin për mbështetjen e tyre të rëndësishme. “Si Turqi, do të ndjekim nga afër zbatimin e marrëveshjes dhe do të vazhdojmë të kontribuojmë në proces,” tha ai.

Presidenti shtoi:

“Ne do të vazhdojmë luftën tonë derisa të krijohet një shtet palestinez i pavarur, sovran dhe me integritet territorial, bazuar në kufijtë e vitit 1967 dhe me kryeqytet Jerusalemin Lindor. Në këtë rast, dua të përcjell përshëndetjet e mia më të sinqerta për vëllezërit tanë palestinezë, të cilët për dy vite kanë vuajtur dhimbje të papërshkrueshme dhe kanë luftuar për jetën dhe dinjitetin e tyre nën kushte çnjerëzore. Zoti qoftë ndihmës i vëllezërve tanë palestinezë dhe i dhashtë parajsë dëshmorëve tanë.”