Albania News Agency

Në një deklaratë të bërë sot, ministria njoftoi se Kina i është drejtuar Organizatës Botërore të Tregtisë (OBT) me një kërkesë për konsultime lidhur me masat e subvencioneve që India aplikon për automjetet elektrike dhe bateritë.

“Dyshohet se masat përkatëse të Indisë shkelin disa detyrime, përfshirë trajtimin kombëtar, dhe përbëjnë subvencione për zëvendësimin e importeve, të ndaluara qartë nga OBT-ja. Këto praktika u japin prodhuesve indianë një avantazh të padrejtë konkurrues, duke dëmtuar kompanitë kineze. Kina do të ndërmarrë me vendosmëri hapa për të mbrojtur të drejtat dhe interesat e industrive të saj vendase,” thuhet në deklaratë.

Po ashtu u theksua se shumë masa ekonomike dhe tregtare të Indisë, të dyshuara për shkelje të rregullave të OBT-së, kanë shkaktuar shqetësim midis anëtarëve të organizatës. Kina i bëri thirrje Indisë të respektojë detyrimet e saj në kuadër të OBT-së dhe të korrigjojë menjëherë qëndrimet e saj.