Albania News Agency

Komisionerja e BE-së Hadja Lahbib, në fjalimin e saj në Komisionin Parlamentar të Italisë, tërhoqi vëmendjen ndaj problemit të dhunës ndaj grave.

“Shtëpia duhet të jetë vendi më i sigurt në botë. Por fatkeqësisht, për shumë njerëz është vendi më i rrezikshëm”, tha Lahbib, duke theksuar se dhuna me bazë gjinore është një problem i thellë që trondit strukturën e shoqërisë.

Ajo tha se gjatë seancës ishte informuar për nismat që po zhvillohen në Itali dhe u shpreh e inkurajuar nga hapat e ndërmarra në luftën kundër femicidit dhe dhunës me bazë gjinore.

Lahbib nënvizoi se në të gjithë Evropën nevojitet një luftë më e fortë, më e koordinuar dhe më e vendosur kundër këtij problemi shoqëror, të cilin ajo e përshkroi si një “helm”.