Albania News Agency

Sipas zyrtarëve të Ministrisë së Shëndetësisë dhe Sigurisë së Sirisë, një sulmues vetëvrasës kreu një sulm në një kishë të mbushur me njerëz.

Asnjë grup nuk e ka marrë ende përgjegjësinë për sulmin, por Ministria e Brendshme e Sirisë tha se një militant i ISIS-it hyri në kishë, hapi zjarr ndaj njerëzve dhe më pas hodhi veten në erë me një jelek me eksplozivë.

Një deklaratë e publikuar të dielën në Telegram tha: "Ekipet e shpëtimit nga Mbrojtja Civile Siriane vazhdojnë të nxjerrin trupat nga vendi i ngjarjes".

Agjencia shtetërore SANA, duke cituar Ministrinë e Shëndetësisë, raportoi se të paktën 50 persona janë plagosur.

Sipas disa mediave lokale, ndër viktimat kishte edhe fëmijë.

Sulmi ishte i pari i këtij lloji në Siri në vitet e fundit dhe ndodhi ndërsa qeveria e përkohshme e sapoformuar, e udhëhequr nga presidenti Ahmed el Sharaa, po përpiqet të fitojë mbështetjen e pakicave.

Ndërsa el-Sharaa po lufton për të vendosur autoritet në të gjithë Sirinë, ekzistojnë shqetësime për praninë e qelizave të fjetura të grupeve si ISIS, që mbijetuan nga lufta civile shkatërruese 14-vjeçare që vrau qindra mijëra dhe zhvendosi miliona njerëz.

Që nga zgjedhja e Al-Sharaa si president në janar 2025, Siria ka bërë përparime të rëndësishme ndërkombëtare dhe si SHBA, ashtu edhe Bashkimi Evropian kanë hequr sanksionet nga epoka e rrëzimit të Bashar al-Asadit.