Albania News Agency

Gjatë bisedës, Vladimir Putin i përcolli urimet më të mira Narenda Modit me rastin e 75-vjetorit të tij, duke i uruar shëndet, mirëqenie dhe suksese në shërbim të vendit të tij.

Putin theksoi se nën udhëheqjen e Narendra Modit, India ndjek një politikë të pavarur e sovrane dhe ka arritur rezultate mbresëlënëse ekonomike, duke nënvizuar se marrëdhëniet midis Rusisë dhe Indisë kanë mbetur gjithmonë miqësore dhe gëzojnë mbështetje të gjerë shoqërore në të dy vendet.

Liderët diskutuan përgatitjet për vizitën zyrtare të Presidentit rus në Indi në dhjetor të këtij viti, si dhe shkëmbyen mendime mbi një sërë çështjesh ndërkombëtare, përfshirë edhe situatën në Ukrainë.