Albania News Agency

Këngët e ABBA-s "Dancing Queen" dhe "Money, Money, Money" ishin ndër hitet e luajtura në mitingun e fushatës së Trump-it në korrik.

Universal Music, shtëpia diskografike e grupit, deklaroi se nuk i ka dhënë leje Trump-it të përdorë muzikën e grupit dhe kërkoi që të ndalohet menjëherë përdorimi i saj. Anëtarët e ABBA-s mbështetën këtë deklaratë.

Javën e kaluar, muzikanti amerikan Jack White njoftoi se do të ngrejë padi ndaj Trump-it për përdorimin e këngës "Seven Nation Army" të grupit White Stripes në një miting fushate.

Zyra e fushatës së Trump-it deklaroi se ka paguar për të drejtat e përdorimit të muzikës përmes kompanive BMI dhe ASCAP.

Avokatët e këngëtares amerikane Beyoncé Knowles dërguan këtë verë një letër në zyrën e fushatës së Trump-it duke kërkuar që të ndalohet përdorimi i këngëve të saj në aktivitetet e fushatës zgjedhore.

Beyoncé e identifikon veten si demokrate dhe dha leje që kënga e saj të përdoret në fushatën e Kamala Harris.

Grupi amerikan Foo Fighters dhe këngëtarja kanadeze Celine Dion gjithashtu shprehën këtë verë pakënaqësinë e tyre për përdorimin e këngëve të tyre gjatë fushatës së Trump-it.