Albania News Agency

Sipas një deklarate të Ministrisë së Punëve të Jashtme të Katarit, Kryeministri dhe Ministri i Jashtëm Sheikh Mohammed bin Abdulrahman bin Jassim Al Sani priti të dielën Ministrin e Jashtëm të Turqisë, Hakan Fidan, që ishte për vizitë në Katar.

Në deklaratë thuhet: "Në takim u diskutuan marrëdhëniet strategjike ndërmjet dy vendeve vëllazërore dhe mënyrat për forcimin dhe zhvillimin e tyre. Kryeministri dhe Ministri i Jashtëm theksoi vendosmërinë e Katarit për të vazhduar përpjekjet e ndërmjetësimit të përbashkët për t'i dhënë fund luftës në Rripin e Gazës. Ai gjithashtu përsëriti mbështetjen e plotë të Katarit për sovranitetin, pavarësinë dhe integritetin territorial të Sirisë, si dhe përpjekjet e popullit vëlla sirian për siguri dhe stabilitet. Ministri gjithashtu vlerësoi përpjekjet e Turqisë për promovimin e paqes, sigurisë dhe stabilitetit në nivel rajonal dhe ndërkombëtar."