Albania News Agency

Dita e veprimit u shpall nga sindikatat ACV-CSC, FGTB-ABVV dhe CGSLB-ACLVB. Sindikatat dënojnë masat që prekin pensionet, përfitimet sociale, kushtet e punës, sigurinë në punë dhe pagat.

Në kuadër të grevës kombëtare kundër reformave të qeverisë federale belge, mijëra njerëz do të dalin sot në rrugët e Brukselit.

Sipas operatorit të transportit të kryeqytetit, STIB-MIVB, ka ndërprerje serioze në shërbimet e metrosë, autobusëve dhe tramvajeve gjatë grevës.

Për shkak të grevës, nuk do të ketë fluturime pasagjerësh nga aeroportet Charleroi dhe Zaventem të Brukselit. Gjithashtu, të gjitha fluturimet që mbërrijnë në Charleroi janë anuluar.

Linjtë ajrore do të kontaktojnë drejtpërdrejt me pasagjerët e prekur për të ofruar informacione rreth rirezervimeve ose rimbursimeve.

Aeroporti paralajmëroi se më 14 tetor pasagjerët që mbërrijnë në Aeroportin e Brukselit mund të përballen me kohë pritjeje më të gjata në kontrollin kufitar për shkak të mungesës së personelit.

Sipas një zëdhënësi të kompanisë rajonale Bruxelles Propreté, ndërprerje të shërbimeve të menaxhimit të mbetjeve, përfshirë mbledhjen e plehrave, janë “shumë të mundshme” gjatë grevës.