Albania News Agency

Ministria e Jashtme e Shtetit të Katarit publikoi një deklaratë në lidhje me bastisjen e oborreve të xhamisë Al-Aksa nga kolonët izraelitë nën udhëheqjen e Ministrit të Sigurisë Kombëtare të qeverisë okupatore.

Në deklaratë theksohet se ky veprim është në kundërshtim me të drejtën ndërkombëtare dhe përbën një provokim të hapur ndaj ndjenjave të myslimanëve në mbarë botën.

Gjithashtu, u vu në dukje se shkeljet ndaj popullit palestinez dhe vendeve të tij të shenjta islame dhe të krishtera vazhdojnë dhe se veprime të tilla rrezikojnë të përshkallëzojnë dhunën në rajon.

Zyrtarët e Katarit u bënë thirrje komunitetit ndërkombëtar të përmbushë përgjegjësitë e tij lidhur me Kudsin dhe vendet e shenjta.

Katari përsëriti mbështetjen për të drejtat legjitime të popullit palestinez, duke përfshirë lirinë e fesë dhe të drejtën për të themeluar një shtet të pavarur palestinez me kryeqytet Kudsin Lindor mbi bazën e kufijve të vitit 1967.