Albania News Agency

Në një postim në platformën sociale X, Tusk shkroi: “Sulm kibernetik ndaj sistemit IT të Platformës Civile... Ndërhyrja e huaj në zgjedhje ka filluar. Ky sulm tregon gjurmë lindore.”

Tusk nuk sqaroi se çfarë nënkuptonte me “gjurmë lindore”. Kur u pyet nëse i referohej hakerëve nga Rusia apo Bjellorusia, shefi i kabinetit të kryeministrit, Jan Grabiec, tha për agjencinë shtetërore polake PAP se sulmi zgjati rreth 12 orë të mërkurën dhe përfshinte përpjekjen për të marrë kontrollin e kompjuterëve të punonjësve të zyrës dhe stafit zgjedhor të Platformës Civile. Ai shtoi se nuk flet në emër të agjencive të sigurisë polake, por grupet kriminale kibernetike lindore zakonisht bashkëpunojnë me Rusinë.

Grabiec i tha gjithashtu PAP-it se sulmi përfshinte përpjekjen për të kontrolluar kompjuterët e stafit të Platformës Civile dhe të stafit zgjedhor të Polonisë dhe zgjati afërsisht 12 orë.

Zgjedhjet presidenciale në Poloni janë planifikuar për muajin maj. Një nga kandidatët kryesorë është kryetari i Bashkisë së Varshavës dhe anëtari i Platformës Civile, Rafał Trzaskowski, i cili kryeson në shumicën e sondazheve të opinionit.

Deputeti i opozitës dhe ish-ministri Michał Woś hodhi poshtë pretendimet e Tusk, duke e akuzuar atë se po përgatit manipulimin e zgjedhjeve në favor të Trzaskowskit. “Kjo është qartësisht një përgatitje për një skenar si në Rumani apo Francë,” tha ai.

Woś ndoshta i referohej rastit të kandidatit rumun për president, Călin Georgescu, i cili u ndalua të merrte pjesë në raundin e dytë pas fitores në të parin, si dhe rastit të Marine Le Pen në Francë, e cila u dënua për mashtrim dhe iu ndalua të merrte pjesë në politikë këtë javë.