Albania News Agency

Këshilltari i Kryeministrit të Katarit dhe Zëdhënësi Zyrtar i Ministrisë së Punëve të Jashtme, Dr. Macid bin Muhammed El Ansari, konfirmoi edhe një herë qëndrimin e Katarit për nevojën e një zgjidhjeje gjithëpërfshirëse politike për krizën në Siri, që duhet t’i shërbejë interesave të popullit sirian.

Dr. El Ansari tha se Katari i bën thirrje të gjitha palëve që të veprojnë në frymën e dialogut dhe mirëkuptimit në përputhje me vendimet ndërkombëtare të ligjshme, veçanërisht me Rezolutën 2254 të Këshillit të Sigurimit të OKB-së, për të ruajtur unitetin, sovranitetin dhe pavarësinë e Sirisë në interes të popullit sirian.