Albania News Agency

6 800 atletë nga 205 delegacione nga e gjithë bota kaluan me 85 anije dhe varka para disa prej simboleve më të famshme të kryeqytetit francez.

Gjatë ceremonisë pati performanca të papritura, duke përfshirë një numër kabare nga këngëtarja dhe kantautorja amerikane Lady Gaga dhe kthimin emocional të ikonës kanadeze Celine Dion.

Presidenti i Komitetit Olimpik Ndërkombëtar (IOC), Thomas Bach, u tha atletëve në hapjen e Lojërave Olimpike të 33-ta verore, që po mbahen në një sfond të ndërlikuar politik ndërkombëtar dhe të brendshëm, se ata janë "pjesë e një ngjarjeje që bashkon botën në paqe".

Në Lojërat që do të përfundojnë më 11 gusht do të marrin pjesë më shumë se 10 500 atletë që garojnë në 32 disiplina sportive.

Të premten mbrëma, Parisi realizoi me sukses planin e tij , i mbështetur nga një operacion sigurie me pjesëmarrjen e dhjetëra mijëra policëve.

Ceremonia përfundoi në Trocadero, pranë Kullës Eiffel të ndriçuar, kur zjarri, i shoqëruar nga një bartës me maskë dhe një kalë mekanik, iu kthye Zidanit, i cili më pas ia dorëzoi atë Rafael Nadalit, Nadia Comaneci, Serena Williams dhe Carl Lewis.

Katërshja e çoi pishtarin me një anije drejt Luvrit, ku u mbajt nga disa atletë dhe para-atletë francezë, përfshirë kampionin 100-vjeçar të çiklizmit Charles Coste, dhe në fund ia dorëzuan atë Riner dhe Perec.

Çifti ndezi një balonë me ajër të nxehtë 30 metra të lartë, e cila tani dukej sikur fluturonte mbi qytetin.

Presidenti i IOC Bach në fjalimin e tij u tha atletëve: “Në një botë të shkatërruar nga luftërat dhe konfliktet, falë kësaj solidariteti që bashkon atletët nga 206 Komitete Olimpike Kombëtare dhe Ekipi Olimpik i Refugjatëve të IOC, të gjithë mund të mblidhemi së bashku sonte”.

Në ceremoni morën pjesë më shumë se 100 krerë shtetesh dhe qeverish, duke përfshirë kryeministrin e Mbretërisë së Bashkuar Keir Starmer dhe presidentin e Francës Emmanuel Macron.