Albania News Agency

Fletcher tha se kishte udhëtuar në Sharm për takimet e sotme dhe theksoi se në këtë periudhë shpresat për shumë izraelitë dhe palestinezë janë shumë të vogla.

Ai theksoi se puna humanitare në Gaza po zhvillohet intensivisht dhe se dje është arritur një progres i dukshëm:

“OKB-ja dhe partnerët e saj shpërndanë qindra mijëra vakte të ngrohta dhe pako buke në jug dhe në veri. Në Gaza u dërgua gaz për gatim. Gjatë ditës u dërguan gjithashtu më shumë çadra për familjet e zhvendosura, mish i ngrirë, fruta të freskëta, miell dhe ilaçe.”

Fletcher shtoi se me lehtësimin e kufizimeve të lëvizjes dhe aksesit në shumë zona, ata arritën të vendosin paraprakisht materiale mjekësore dhe emergjente në zonat më të nevojshme, të vlerësojnë rrugët kryesore për rrezik shpërthimi dhe të ndihmojnë familjet e zhvendosura në zonat e rrezikut nga përmbytjet të përgatiten për dimrin.

Ai tha gjithashtu se, me miratimin e Izraelit për ndihmë shtesë, sasia në rrjedhën e aprovuar është rritur në 190 mijë tonë metrikë: “Kjo sasi përfshin ushqim, materiale strehimi, ilaçe dhe furnizime të tjera. Ky është vetëm fillimi.”