Albania News Agency

Drejtori i Përgjithshëm i OBSH-së, Ghebreyesus, tha se rajoni El Faşer në Sudan ka qenë nën rrethim për më shumë se 500 ditë.

Ai theksoi se 260 mijë persona kanë nevojë për ndihmë të menjëhershme shëndetësore; rreth 5 mijë raste të dyshuara me kolerë me 100 viktima; 130 mijë fëmijë që vuajnë nga kequshqyerja për shkak të mungesës së ushqimit të mjaftueshëm dhe shumë viktima të dhunës seksuale që janë pa shërbime shëndetësore ose mbështetje mendore. “35 objekte shëndetësore janë shkatërruar. Furnizimet e OBSH-së janë shteruar”, tha ai.

Ghebreyesus shtoi se në Nyala ndodhen materiale shtesë të parapozicionuara, të cilat janë gati të transferohen në El Faşer në çdo moment, dhe bëri thirrje për leje të qasjes.