Albania News Agency

Një juri federale në San Francisko vendosi që gjiganti amerikan i teknologjisë Google duhet të paguajë 425 milionë dollarë për mbledhjen e informacionit përmes aplikacioneve të telefonave inteligjentë, edhe kur përdoruesit ishin në modalitetin e privatësisë.

Padia kolektive kundër Google filloi pesë vite më parë me pretendimin se kompania i ndiqte përdoruesit, mblidhte të dhëna rreth tyre dhe i shiste ato pavarësisht nga cilësimet e telefonit. Avokatët e paditësve thanë se të gjitha deklaratat e Google mbi sigurinë dhe privatësinë ishin plotësisht të rreme.

Zëdhënësi i kompanisë tha se vendimi do të apelohet, pasi bazohet në një keqkuptim mbi mënyrën se si funksionojnë këto produkte. Ai theksoi se mjetet e privatësisë të Google u japin përdoruesve kontroll të plotë mbi të dhënat e tyre dhe kompania e respekton plotësisht këtë.