Albania News Agency

Sekretari i Përgjithshëm Guterres theksoi rëndësinë jetike të bashkëpunimit mes dy ekonomive më të mëdha të botës, Kinës dhe BE-së, për ta bërë Konferencën e 30-të të Palëve të Konventës Kornizë të Kombeve të Bashkuara për Ndryshimet Klimatike, që do të mbahet këtë vit në Brazil, një pikë kthese në përballjen me krizën globale klimatike.

Guterres bëri thirrje që të gjitha vendet anëtare të G20 të paraqesin Kontributet Kombëtare për vitin 2035, që përfshijnë të gjitha sektorët e ekonomisë dhe burimet e emetimeve, me qëllim që ngrohja globale të mbetet nën 1.5 gradë. Ai gjithashtu kërkoi nga vendet e G20 të hartojnë një plan për të hequr dorë nga karburantet fosile.