Albania News Agency

Zyra e Kryeministrit të Izraelit deklaroi se Izraeli, përmes Kryqit të Kuq, ka marrë arkivolat që përmbanin trupat e pengjeve dhe po pret identifikimin zyrtar të tyre.

“Forcat e Mbrojtjes së Izraelit (IDF) u bëjnë thirrje qytetarëve të veprojnë me kujdes dhe të presin konfirmimin zyrtar të identitetit të viktimave. Këto njoftime do t’u përcillen fillimisht familjeve të pengjeve,” thuhet në deklaratë.

Nëse konfirmohet se dy trupat e kthyer të mërkurën në mbrëmje i përkasin pengjeve, kjo do të thotë se 19 persona mbeten ende të zhdukur në Gaza. Në fazën e parë të planit të paqes për Gazën, Hamas është i detyruar të dorëzojë të gjitha trupat e 28 pengjeve të vrarë.

Por krahu i armatosur i Hamasit tha: “Për të kërkuar dhe rikthyer trupat e mbetura nevojiten përpjekje të mëdha dhe pajisje të specializuara, dhe ne po punojmë intensivisht për ta mbyllur këtë çështje.”