Albania News Agency

Macron theksoi se në këtë ditë zie kombëtare në Ukrainë, mendimet e tij janë me fëmijët dhe të gjithë civilët që humbën jetën nga sulmet vdekjeprurëse të Rusisë në Kryvyi Rih më 4 prill.

Ai shtoi se mbrëmë shumë sulme ajrore ruse kishin në shënjestër lagje banimi në Kiev dhe qytete të tjera të Ukrainës:

“Ukraina e pranoi propozimin e Presidentit Trump për një armëpushim të plotë dhe të pakushtëzuar prej 30 ditësh pothuajse një muaj më parë dhe po punon me të gjithë partnerët tanë për të siguruar paqen, ndërkohë që Rusia po e vazhdon luftën me intensitet të shtuar duke shpërfillur civilët.”

Macron shtoi: “Këto sulme ruse duhet të ndalen. Një armëpushim duhet të arrihet sa më shpejt që të jetë e mundur. Nëse Rusia vazhdon të fitojë kohë dhe refuzon paqen, do të përballet me masa të ashpra.”