Albania News Agency

Meloni kujtoi se një vit më parë ajo kishte paraqitur tek Prokuroria Kombëtare kundër Mafias dhe Terrorizmit parregullsitë në sistemin dixhital të aplikimeve të quajtur "click day", duke theksuar se në atë kohë kjo lëvizje e qeverisë ishte kritikuar.

Ajo nënvizoi se me kalimin e kohës janë zbuluar krime serioze si falsifikimi i identiteteve dixhitale, punësime të rreme, lidhje me mafien dhe sigurimi i lejeve të qëndrimit në mënyrë të paligjshme. Meloni tha se raportet e fundit në media paraqesin prova të reja “shqetësuese”.

Meloni theksoi se falë punës së drejtësisë dhe forcave të rendit është zbuluar kjo rrjetë e organizuar kriminale. “Kishim të drejtë dhe ishte detyrë e jona të nxirrnim në pah këto parregullsi,” deklaroi ajo.

Ajo theksoi vendosmërinë e qeverisë për të vazhduar luftën kundër migracionit të paligjshëm dhe tregtisë së lejeve të qëndrimit: “Italia nuk është vendi i tregtarëve të lejeve të qëndrimit dhe atyre që me mashtrime lehtësojnë hyrjen e paligjshme.”