Albania News Agency

Ministri i Jashtëm i Maqedonisë së Veriut, Timço Mucunski, u takua me delegacionin e Kongresit Amerikan dhe anëtarët Mike Turner dhe Chrissy Houlahan në kuadër të Forumit të Dubrovnikut 2025.

Mucunski theksoi se ata riafirmuan marrëdhëniet e forta dypalëshe dhe partneritetin strategjik ndërmjet Maqedonisë së Veriut dhe SHBA-së. “Theksuam vrullin e ri në bashkëpunimin tonë politik gjatë vitit të kaluar. Diskutuam për zhvillimet rajonale dhe projektet kyçe infrastrukturore. Folëm për rolin tonë në ruajtjen e stabilitetit rajonal, bashkëpunimin me NATO-n dhe rëndësinë e luftës kundër kërcënimeve hibride dhe të sigurisë”, tha ai.