Albania News Agency

Ministri i Jashtëm i Maqedonisë së Veriut, Timço Mucunski, zhvilloi një takim me Kryetarin e Asamblesë Parlamentare të Këshillit të Evropës, Theodoros Rousopoulos, në kuadër të Forumit të Dubrovnikut 2025.

Duke përkujtuar 30-vjetorin e anëtarësimit, Mucunski ritheksoi përkushtimin e fuqishëm ndaj vlerave dhe standardeve të Këshillit të Evropës dhe deklaroi:

"Diskutuam mbi rëndësinë, pavarësinë dhe zbatimin e vendimeve të Gjykatës Evropiane për të Drejtat e Njeriut. Falënderova për mbështetjen e dhënë nga Këshilli për përparimin e reformave dhe përafrimin me standardet evropiane. Patëm gjithashtu shkëmbim mendimesh mbi kërcënimet më të gjera për sigurinë në Evropë, në veçanti agresionin e Rusisë ndaj Ukrainës."