Albania News Agency

Në një deklaratë të bërë nga Ambasada Amerikane në Kiev thuhet: "Ambasada Amerikane në Kiev ka marrë informacion të veçantë për një sulm të rëndësishëm ajror më 20 nëntor. Për arsye sigurie, ambasada do të mbyllet dhe personelit të saj do t'i kërkohet të qëndrojë në vend. Ambasada Amerikane këshillon qytetarët amerikanë të jenë të gatshëm të shkojnë menjëherë në strehëza në rast të një alarmi për sulm ajror."

Ndërkohë, shpërthime u dëgjuan gjatë natës në kryeqytetin Kiev, ndërsa sirenat e mbrojtjes ajrore ranë gjatë gjithë natës.

Sipas hartës online të Ministrisë së Transformimit Dixhital të Ukrainës, alarmi i sulmit ajror në Kiev zgjati më shumë se dy orë, ndërsa në rajonin e Kievit më shumë se dhjetë orë.

Kreu i administratës ushtarake të qytetit të Kievit, Sergei Popko, shkroi në kanalin e tij Telegram: "Mbrojtja ajrore po funksionon në kryeqytet. Qëndroni në strehëza derisa të përfundojë alarmi i sulmit ajror!"