Albania News Agency

Të premten në mbrëmje, një pajisje artizanale shpërtheu në zyrat e Hellenic Train në qendër të Athinës.

Një person i paidentifikuar telefonoi faqen e lajmeve “Zougla” në orën 20:53, duke paralajmëruar për një bombë dhe duke thënë se ajo do të shpërthente brenda 35–40 minutash.

Shpërthimi ndodhi për shkak të një pajisjeje artizanale që ishte vendosur në një çantë shpine, lënë mbi një motoçikletë pa targa përpara ndërtesës.

Më herët, trafiku ishte ndërprerë në një pjesë të rrugës Syngrou.

Sipas policisë, nuk është raportuar asnjë i lënduar, por niveli i dëmit nuk dihet ende, pasi zona mbetet e mbyllur deri në përfundimin e hetimit nga njësia e çminimit dhe mjekësia ligjore.

Policia kundër terrorizmit po heton shpërthimin që ndodhi të premten mbrëma përpara zyrës së Hellenic Train në rrugën Syngrou, në qendër të Athinës.