Albania News Agency

Flakët dhe tymi që ngriheshin nga objekti turistik, i vizituar nga 2 milionë njerëz çdo vit, u panë në videot e shpërndara gjerësisht.

Josep María Bellido tha në televizionin Cadena: “Monumenti u shpëtua. Nuk do të ketë përhapje, nuk do të ketë katastrofë, ta themi kështu.”

Zjarrfikësit kishin njoftuar më herët se zjarri ishte vënë nën kontroll, por nuk ishte shuar plotësisht.

Zjarri i madh, që shpërtheu rreth orës 21:00, ngjalli shqetësime për këtë mrekulli arkitekturore të mesjetës së hershme dhe solli në mend zjarrin e vitit 2019 që shkatërroi Katedralen Notre Dame në Paris.

Mësohet se zjarri filloi kur një makinë pastruese mekanike mori flakë.

Ndërtesa, e konsideruar si një perlë e arkitekturës islame, u ndërtua midis shekujve VIII dhe X si xhami mbi themelet e një kishe më të vjetër, nga sundimtari mysliman i qytetit jugor dhe emiri i dinastisë Umajade, Abdurrahman.

Të krishterët e kthyen atë në katedrale pas Rikonkistës në shekullin XIII gjatë mbretërimit të Mbretit Ferdinand III të Kastiljes, dhe në shekujt që pasuan u bënë ndryshime arkitekturore.