Albania News Agency

Netanyahu tha se Irani do të paguajë një çmim shumë të rëndë për masakrimin e grave, fëmijëve dhe civilëve të pafajshëm, dhe se kjo do të ndodhë së shpejti.

Duke vizituar vendin e ngjarjes së bashku me ekipet e shpëtimit dhe Komandën e Mbrojtjes Civile, Netanyahu deklaroi: “Në emër të popullit izraelit, duam të përqafojmë familjet e atyre që humbën jetën dhe edhe një herë i bëj thirrje të gjithë qytetarëve: Ndiqni udhëzimet – kjo shpëton jetë. Ne jemi në një betejë ekzistenciale; përballë një armiku të pamëshirshëm që planifikon zhdukjen tonë. Ushtarët dhe pilotët tanë me guxim të madh po veprojnë në qiellin e Iranit. Kjo është një luftë çlirimtare. Do t’u japim një goditje shkatërruese – dhe do të fitojmë.”