Albania News Agency

Mjekësia ligjore e Qarkut Los Angeles publikoi një listë të viktimave pa dhënë të dhëna identifikuese. Në dokument thuhet se tetë nga viktimat janë gjetur në zonën e Zjarrit Palisades dhe gjashtëmbëdhjetë në zonën e Zjarrit Eaton.

Zjarrfikësit janë në një fazë kritike të betejës së tyre gjashtë-ditore kundër zjarreve fatale në pyjet e Los Angeles. Ekipet raportojnë përparim në të gjithë qytetin, por autoritetet paralajmërojnë se me kthimin e erërave të rrezikshme Santa Ana në fillim të javës, kërcënimi nga zjarri do të mbetet “shumë i lartë”.

Mbi 105 mijë banorë janë ende nën urdhërin e evakuimit. Zjarri Palisades në bregdet është vënë nën kontroll në 11%, ndërsa ekipet po punojnë për të parandaluar përparimin e mëtejshëm të zjarrit drejt Brentwood. Zjarri Eaton në Altadena është nën kontroll në 27%, duke mundësuar ndarjen e burimeve për zjarre të tjera më të vogla.

Autoritetet kanë konfirmuar të paktën 24 vdekje, 16 nga zona Eaton dhe 8 nga zona Palisades, por vlerësimi përfundimtar i numrit të përgjithshëm të vdekjeve ende nuk është i sigurt.

Edhe gjatë ndërhyrjes emergjente, pyetjet nëse Los Angeles është i përgatitur për një stuhi zjarri të tillë kanë çuar në akuza politike. Ekspertët thonë se rajoni po përballet me një kombinim të kushteve shkatërruese.