Albania News Agency

OKB njoftoi se uji është një e drejtë themelore e njeriut, jo një privilegj.

Në një deklaratë të OKB-së thuhet: "Miliarda njerëz ende nuk kanë akses në ujë të pijshëm të sigurt dhe në shërbime sanitare, ndërsa kriza klimatike e përkeqëson më tej situatën. Objektivat globale synojnë zgjidhjen e krizës së ujit. Aksesi në ujë të sigurt, sanitari dhe higjienë është një nevojë themelore për shëndetin dhe mirëqenien. Nëse përparimi nuk katërfishohet, deri në vitin 2030 miliarda njerëz nuk do të kenë akses në këto shërbime themelore. Kërkesa për ujë po rritet për shkak të shtimit të popullsisë, urbanizimit dhe rritjes së nevojave të sektorëve të bujqësisë, industrisë dhe energjisë. Kërkesa për ujë tashmë e ka tejkaluar rritjen e popullsisë dhe gjysma e popullsisë së botës përjeton mungesë serioze të ujit për të paktën një muaj në vit. Me rritjen e temperaturave globale si pasojë e ndryshimeve klimatike, pritet që mungesa e ujit të përkeqësohet më tej."