Albania News Agency

Pasi përfundoi raundi i dytë i zgjedhjeve lokale, partia VMRO-DPMNE fitoi në 21 nga 33 komunat ku u mbajt raundi i dytë, duke forcuar dominimin e saj në pushtetin lokal.

Pas dy raundeve, partia pritet të qeverisë në 54 nga 81 komunat e vendit – 12 më shumë se në zgjedhjet lokale të vitit 2021, kur fitoi 42.

Kandidati që fitoi Shkupin, Orce Gjorgjievski, mori mbi 95 mijë vota. Kundërshtari i tij nga partia opozitare e majtë „Levica“, Amar Mecinovic, e dyfishoi mbështetjen e tij nga raundi i parë duke kaluar nga 30 mijë në mbi 61 mijë vota, por mbeti në vendin e dytë.

Brenda bllokut etnik maqedonas, opozita kryesore – Socialdemokratët (SDSM) – fituan vetëm tre vende të kryetarëve komunash në raundin e dytë, një rënie e madhe krahasuar me vitin 2021, kur kishin 16, ndërsa tani vetëm gjashtë.

Nënkryetarja e SDSM-së, Ana Cupeska, dha dorëheqjen. Udhëheqësi i partisë, Venko Filipçe, i cili mori drejtimin vitin e kaluar, konfirmoi se nuk planifikon të japë dorëheqje.

Në kampin shqiptar, partia në pushtet dhe relativisht e re „Vlen“ („Vlen të përpiqesh“) mbajti pozicionet e saj ndaj rivalit kryesor – Bashkimit Demokratik për Integrim (BDI). Kjo parti do të fitojë nëntë komuna, ndërsa BDI dhe aleatët e saj vetëm katër – një rënie e theksuar nga 11 komunat e fituara në vitin 2021.

Shqiptarët janë grupi i dytë më i madh etnik në Maqedoninë e Veriut pas maqedonasve.