Albania News Agency

Presidenti Milatoviç diskutoi me përfaqësuesit e OJQ-ve, Shoqatës së Juristëve dhe ekspertëve për aspektet juridike të marrëveshjes mes qeverisë së Malit të Zi dhe asaj të Emirateve të Bashkuara Arabe në fushën e turizmit dhe zhvillimit të pasurive të paluajtshme.

Ai theksoi se së bashku me përfaqësues të OJQ-ve të njohura dhe ekspertë, diskutoi të gjitha aspektet ligjore të marrëveshjes që pezullon rregulloret kryesore vendore për prokurimet publike, pronësinë shtetërore dhe mbrojtjen e konkurrencës, si dhe mekanizmat e mundshëm institucionalë për mbrojtjen e interesit publik.

“Kujtova se dispozitat kontestuese të marrëveshjes janë theksuar nga shumë juristë, përfaqësues të sektorit civil, organizata ndërkombëtare dhe Komisioni Evropian,” tha ai.