Albania News Agency

Në vendimin përfundimtar të saj të dhënë të enjten, Gjykata Evropiane anuloi gjobën prej 1.06 miliard euro dhe hodhi poshtë pjesërisht akuzat për sjellje antikonkurencë.

Megjithatë, ky vendim i gjykatës më të lartë të BE-së nuk është fjala e fundit në mosmarrëveshjen 20-vjeçare. Intel ka ngritur një padi të re kundër komisionit, duke kundërshtuar një gjobë të veçantë prej 376 milion euro, të bazuar në elemente të vendimit të vitit 2009, të miratuar nga gjyqtarët.

Historia filloi 24 vite më parë, kur një prodhues tjetër i çipave bëri një ankesë pranë autoriteteve të konkurrencës së BE-së, e cila përfundimisht çoi në nisjen e një hetimi në vitin 2004. Pesë vite më vonë, në 2009, komisioni vendosi se Intel kishte abuzuar me dominancën e saj në treg dhe vendosi një gjobë rekord prej 1.06 miliard euro.

Komisioni argumentoi se Intel, prodhuesi më i madh i çipave në atë kohë, kishte abuzuar me dominancën e saj, duke ofruar zbritje të fshehta për prodhuesit e kompjuterave, përfshirë Dell, Hewlett-Packard dhe Lenovo, nëse ata blinin vetëm procesorët Intel.