Albania News Agency

Është njoftuar se Papa Françesku, udhëheqësi shpirtëror i katolikëve dhe kreu i Shtetit të Vatikanit, ka ndërruar jetë mëngjesin e sotëm.

Presidenti rus Vladimir Putin ka shprehur ngushëllimet e tij.

Në mesazhin e tij, Putin tha: “Papa Françesku gëzonte respekt të madh në mbarë botën si një shërbëtor besnik i mësimeve të krishtera, një udhëheqës i urtë shpirtëror, burrë shteti dhe një mbrojtës i qëndrueshëm i vlerave të larta të humanizmit dhe drejtësisë. Gjatë gjithë viteve të tij si Papë, ai promovoi në mënyrë aktive dialogun midis Kishës Ortodokse Ruse dhe Kishës Katolike Romake, si dhe bashkëpunimin konstruktiv midis Rusisë dhe Vatikanit. Kam pasur mundësinë të takoj këtë njeri të jashtëzakonshëm disa herë dhe gjithmonë do ta kujtoj me dashuri dhe respekt.”