Albania News Agency

Zëdhënësi i Pentagonit, Sean Parnell, deklaroi: “Falë ushtarëve tanë që iu përgjigjën thirrjes, paligjshmëria në Los Angeles po bie. Për këtë arsye, ministri urdhëroi tërheqjen e 2000 pjesëtarëve të Gardës Kombëtare të Kalifornisë nga misioni federal i sigurisë.”

Kjo vendim u mor pasi Trump më 7 qershor dërgoi 2000 anëtarë të Gardës Kombëtare dhe disa ditë më vonë edhe 2000 të tjerë.

Garda Kombëtare e Kalifornisë u thirr për të reaguar ndaj protestave në rajonin e Los Angeles, pas rritjes së kontrolleve nga Shërbimi i Emigracionit dhe Doganave të SHBA-së dhe Departamenti i Sigurisë Kombëtare në Kaliforninë Jugore.

Guvernatori i Kalifornisë, Gavin Newsom, reagoi ndaj njoftimit të së martës duke i bërë thirrje Trumpit dhe Departamentit të Mbrojtjes: “dërgojini menjëherë të gjithë në shtëpi”.

Gavin Newsom tha: “Për më shumë se një muaj, Garda Kombëtare është shkëputur nga familjet, komunitetet dhe punët e tyre civile për të shërbyer si figura politike të presidentit në Los Angeles. Ndërsa rreth 2000 po fillojnë të lirohen nga detyra, pjesa tjetër vazhdon pa mision, pa drejtim dhe pa shpresë për t’u rikthyer dhe ndihmuar komunitetet e tyre.”

Kryetarja e Bashkisë së Los Angeles, Karen Bass, e përshëndeti shkurtimin e trupave, duke e quajtur atë një “tërheqje” që ndodhi falë “unitetit dhe qëndrueshmërisë së popullit të Los Angeles-it.”

Gjatë një konference për shtyp ajo tha: “Shpresoj që administrata e ka dëgjuar. Ushtarët tanë janë trajnuar për të luftuar në toka të huaja kundër armiqve të huaj. Ata nuk kanë qenë kurrë të nevojshëm këtu. As tani.”