Albania News Agency

Të premten, Kremlini hodhi poshtë pretendimet se marrëdhëniet mes Lavrovit dhe Vladimir Putinit janë përkeqësuar pas pezullimit të përpjekjeve për një samit me presidentin amerikan Donald Trump muajin e kaluar.

Mediet perëndimore raportuan se Uashingtoni e anuloi samitin e ri pasi ministria e jashtme ruse dërgoi një mesazh duke theksuar se Moska nuk është e gatshme të heqë dorë nga kërkesat e saj për Ukrainën. Financial Times citoi një burim që tha se takimi i Lavrovit me Rubion ka nxitur veprimet e Uashingtonit.

Lavrov i tha agjencisë RIA: “Sekretari Rubio dhe unë e kuptojmë nevojën për komunikim të rregullt.”

“Kjo është e rëndësishme për të diskutuar çështjen ukrainase dhe për të avancuar agjendën dypalëshe. Për këtë arsye jemi në kontakt telefonik dhe jemi të gatshëm të takohemi ballë për ballë kur të jetë e nevojshme,” shtoi ai.

Ai theksoi se SHBA-të po përballen me vështirësi për të bindur Volodymyr Zelensky që të mos ndërhyjë në procesin e pajtimit në Ukrainë.

“Amerikanët atëherë (në samitin e Anchorage) na siguruan se Zelensky nuk do të pengonte paqen. Tani duket se kanë dalë disa probleme. Për më tepër, sipas dijenisë sonë, Brukseli dhe Londra po përpiqen të bindin Uashingtonin të heqë dorë nga zgjidhja diplomatike dhe t’i bashkohet përpjekjeve për presion ushtarak ndaj Rusisë,” tha Lavrov.

Ai shtoi se pavarësisht marrëveshjes në Anchorage, Moska nuk është tërhequr nga parimet e saj themelore: integriteti territorial i Rusisë dhe respektimi i zgjedhjes së banorëve të Krimesë, Donbasit dhe Novorosias.

“Tani presim konfirmimin nga SHBA se marrëveshjet e Anchorage janë ende në fuqi,” përfundoi Lavrov.