Albania News Agency

Hochstein u takua me zyrtarë libanezë gjatë dy ditëve të fundit pasi Hezbollah deklaroi në disa komente se pranon tekstin e propozimit amerikan për armëpushim. Të martën ai tha se "hendeku" midis Hezbollahut dhe Izraelit është "ngushtuar", duke krijuar optimizëm për një marrëveshje të mundshme midis palëve.

Të enjten Hochstein do të takohet me kryeministrin izraelit Benjamin Netanyahu.

Konflikti midis Izraelit dhe Hezbollahut filloi më 8 tetor 2023, pasi Hezbollah lëshoi raketa drejt veriut të Izraelit në "solidaritet" me sulmin e Lëvizjes Islamike Palestinase një ditë më parë.

Të dy palët u përfshinë në përplasje të nivelit të ulët deri në fund të shtatorit, kur Izraeli nisi sulme intensive ajrore në të gjithë Libanin dhe një operacion tokësor në jug. Që atëherë, pothuajse e gjithë udhëheqja e lartë e Hezbollahut është eliminuar dhe grupi vazhdon të përballet me humbje të vazhdueshme në fushën e betejës dhe jashtë saj.