Albania News Agency

Sybiha tha se vala e shpërthimit pas sulmit rus në Kiev ka dëmtuar fasadën e Katedrales unike të Shën Sofisë nga shekulli XI, e cila është pjesë e Trashëgimisë Botërore të UNESCO-s.

Ai theksoi se sulmet ruse kërcënojnë jo vetëm popullsinë civile, por edhe trashëgiminë më të çmuar me rëndësi kulturore globale. “Barbarizma e tillë e vendos Rusinë në të njëjtin nivel me ISIS-in dhe shkatërruesit e tjerë të trashëgimisë.”

Sybiha kërkoi reagim urgjent nga UNESCO dhe komuniteti ndërkombëtar. “Këto krime duhet të dënohen dhe Rusia duhet të përjashtohet nga të gjitha forumet ndërkombëtare.”